ಬಸ್ತಿ ವಾಮನ್ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ-2024

ವಿಮಲಾ ವಿ ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ್-2024

ವಿಶ್ವ ಕೊಂಕಣಿ ಕೆಂದ್ರಾನ್ ಅಂವಂದು ವರ್ಸಾಚೆ ಬಸ್ತಿ ವಾಮನ್ ಶೆಣೈ ಹಾಂಚ್ಯಾ ನಾಂವಾಚೆ ದೊನ್ ಸೇವಾ ಪುರಸ್ಕಾರ  ಆನಿ ವಿಮಲಾ ವಿ ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ್  ದಿವ್ಪಾಚೆಂ ಥಾರಾಯ್ಲಾಂ.

ಬಸ್ತಿ ವಾಮನ್ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ :

ಶಿಕ್ಷಣ್, ಪ್ರಶಾಸನ,  ಸಾಹಿತ್ಯ್, ಪ್ರದರ್ಶನಕಲಾ, ಆರೊಗ್ಯ-ವೈಜಕಿ, ವಿಜ್ಞಾನ-ತಂತ್ರಜ್ಞಾನ, ಪತ್ರಕಾರಿತಾ, ಲೆಖಾಪರಿಕ್ಷಣ್, ಬ್ಯಾಂಕಿಂಗ್, ವಾಣಿಜ್ಯ್-ಉದ್ಯೊಗ್, ರಕ್ಷಣ್, ಖೆಳ್, ಬಾಯ್ಲೊ-ಭುರ್ಗಿಂ-ಮ್ಹಾಂತಾರ್ಯಾಂಚಿ ಸೇವಾ, ಸಮಾಜ್/ದೇಶ್ ಸೇವಾ – ಹ್ಯಾ ಕ್ಷೆತ್ರಾನಿ ಉಚ್ಚ ಪಾಂವ್ಡ್ಯಾಚಿ ಪ್ರಾಮಾಣಿಕ ಸೆವಾ ದಿಲ್ಲ್ಯಾ ಎಕ್ ದಾದ್ಲೊ ಆನಿ ಎಕ್ ಬಾಯ್ಲಮನೀಶ್ ಅಶಿಂ ದೊಗ್ ಕೊಂಕಣಿ ಭಾಶೀಕ್ ವ್ಯಕ್ತೀಂಕ್ ವಾ  ತಾಂಚ್ಯಾ ಸಂಸ್ಥ್ಯಾಂಕ್ ಹೊ ಪುರಸ್ಕಾರ ಫಾವೊ ಜಾತಾ.

ವಿಮಲಾ ವಿ ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ್ :

ಹೊ ಸಮ್ಮಾನ್ ಕೊಂಕಣಿ ಭಾಸ್, ಶಿಕ್ಷಣ್, ಕಲಾ, ಸಂಸ್ಕೃತಿ ಹ್ಯಾ ಕ್ಷೆತ್ರಾಂತ್ ಜೀವನಭರ್ ಸೆವಾ ಕೆಲ್ಲ್ಯಾ ಜ್ಯೆಷ್ಠ ಕೊಂಕಣಿ ನಾಗರಿಕಾಕ್  ಫಾವೊ ಜಾತಾ. 

ಹ್ಯಾ ಪುರಸ್ಕಾರಾಂ / ಸಮ್ಮಾನಾ ಖಾತೀರ್ ವಿಶ್ವ ಕೊಂಕಣಿ ಕೇಂದ್ರ

ಲೊಕಾಂ ಕಡೆನ್ ನಾಂವ್ ಸುಚೊವ್ಪಾಕ್ ಮಾಗ್ತಾತ್.

ಪುರಸ್ಕೃತ್/ಸಮ್ಮಾನಿತ್ ಲೊಕಾಂಕ್ ಎಕ್ ಲಾಖ್ ರುಪಯ್ ನಗದ್ ಆನಿ ಭೆಟವಸ್ತು ಪ್ರದಾನ್ ಕರ್ತಲೆ.

ಹ್ಯಾ ಪುರಸ್ಕಾರಾಂಚೆಂ/ಸಮ್ಮಾನಾಚೆಂ ವಿತರಣ್ ವಿಶ್ವ ಕೊಂಕಣಿ ಕೇಂದ್ರಾಚೆ

ಮಹಾಪೊಷಕ್ ಶ್ರಿ ಟಿ. ವಿ. ಮೋಹನದಾಸ್ ಪೈ ಹಾಂಚಿ ಆವಯ ವಿಮಲಾ ವಿ ಪೈ ಹಾಂಚೆಂ ಸ್ಮರರ್ಣಾರ್ಥ್ ಜಾತಲೆಂ.       

ಇಸ್ತುಕಿ ವ್ಯಕ್ತೀಂನಿ ವಾ ಸಂಸ್ಥಾನಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಂಕೆತ ಸ್ಥಳಾಂತ್ಲ್ಯಾನ್ (www.vishwakonkani.org) ಮಾಹಿತಿ ಘೆವ್ನ್,  ತಾ.10-10-2024 ಮೆರೆನ್ ಆನಲೈನ್ ಪದ್ಧತೀನ್ ನಾಮಾಂಕನ್ ನೊಂದ್ ಕರೂಯೆತ್, ಆನಿ ಅರ್ಜ್, ಸಂಬಂಧೀತ ಪ್ರಮಾಣಪತ್ರ,  ಭಾವಚಿತ್ರ್,  ಆದಿ ವಿಶ್ವ ಕೊಂಕಣಿ ಕೇಂದ್ರಾಕ ಪೊಸ್ಟಾನ್ ಧಾಡ್ಚೆಂ.