ಮಂಗಳೂರ ಶಕ್ತಿನಗರಚೆ ವಿಶ್ವ ಕೊಂಕಣಿ ಕೇಂದ್ರಾಂತ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ ಆನಿ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯ್ ಗೌಡ್ ಬ್ರಾಹ್ಮಣ ಸಂಘ ಹಾಂಗೆಲೆ ಜೋಡ ಆಶ್ರಯಾರ ದೇಶಕರ್ ಸಮುದಾಯಾಚೆ ಪಿಯುಸಿ ಆನಿ ತತ್ಸಮಾನ ವಿದ್ಯಾರ್ಥಿಂಕ ವಸತಿ ಸಹಿತ ತೀನಿ ದಿವಸಾಚೆ ಚಟುವಟಿಕಾ ಬದ್ದಲ ‘ಪ್ರಗತಿ -2024’ ವ್ಯಕ್ತಿತ್ವ ವಿಕಸನ ಆನಿ ಕೌಶಲ್ಯ ಅಭಿವೃದ್ಧಿ ಕಾರ್ಯಾಗಾರ ಚಲ್ಲೆಲೆ ಹೆಂ ಶಿಬಿರಾಚೆ ಸಮಾರೋಪ ಸಮಾರಂಭ 4.08.2024 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರ ಹಾಂಗಾ ಚಲ್ಲೆಂ.

ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯನಿರ್ವಾಹಣಾಧಿಕಾರಿ ಡಾ.ಬಿ ದೇವದಾಸ್ ಪೈ ಹಾನ್ನಿ ಅಸಲೆ ಕಾರ್ಯಾಗಾರ ವಿದ್ಯಾರ್ಥಿಂಕ ಪಾವಕಾ. ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ ಅಸಲೆ ಸಮಾಜಮುಖಿ ವಾವರ ಕರಚೆ ಸಾಧನೆಕ ಪ್ರಶಂಶಾ ದಿಲೆಂ. ಸರ್ವ ವಿದ್ಯಾರ್ಥಿಂನಿ ಹಾಜೆ ಸದುಪಯೋಗ ಘೆವಕಾ ಅಶಿಂ ಸಾಂಗಲೆಂ.

ಕೆ.ಎಂ.ಸಿ. ಆಸ್ಪತ್ರೆ ಮಣಿಪಾಲಚೆ ಡೆಪ್ಯೂಟಿ ಮ್ಯಾನೇಜರ್ ಹೆಚ್ ಆರ್ ಶ್ರೀಮತಿ ಸುಚೇತಾ ಬಾಲಕೃಷ್ಣ ನಾಯಕ್ ಹಾನಿ ಉಲಯತಚಿ ವಿದ್ಯಾರ್ಥಿಂಕ ಅವಕಾಶ ಸರ್ವಾಂಕ ಮೆಳತಾ ಜಾಲಾರಿ ತೆಂ ವಾಪರುಕಾ ತೆದನಾ ಮಾತ್ರ ತಾಂಗೆಲೆ ಬುದ್ಧಿವಂತಿಕಾ ಆನಿ ಕೌಶಲ್ಯತಾ ಅಸತಾ. ತ್ಯಾ ನಿಮಿತ್ತ ಕಾರ್ಯಾಗಾರಾಂತ ಶಿಕಿಲೆ ನಿತ್ಯ ಜೀವನಾಂತ ಹಾಳಾರಿ ಯಶ ಪಾವಚಾಕ ಸಾಧ್ಯ ಅಸಾ. ತೆದನಾ ಹೆಂ ಕಾರ್ಯಗಾರ ಸಾರ್ಥಕ ಜಾತ್ತಾ. ಹೇಂಚಿ ತುಮ್ಹಿ ಸಂಘಟಕಾಂಕ ದಿವಚೆ ಕೃತಜ್ಞತಾ ಅಶಿಂ ಸಾಂಗುನು ಶಿಬಿರಾರ್ಥಿಂಕ್ ಅಭಿನಂದನ ಕೆಲೆಂ.

ಶಿಕ್ಷಣ ಕೇವಲ ಅಂಕ ಘೆವಚಾಕ ಮಾತ್ರ ನ್ಹ್ಯಂಯ್ ಉದ್ಯೋಗಾಕಯ ಮುಖ್ಯ ಗುರಿ ಜಾವನು ಅಂಕ ಘೆವಚೆ ಸಾಂಗಾತಾಕ ಬುಕಾಚೆ ವಯರಿ ಮೋಗ ದವರೂನು ಜ್ಞಾನ ವಾಡೊವಕಾ. ಕೇವಲ ಅಂಕ ಘ್ಹೆವಚೆ ಎಕಚ ಬುದ್ದಿಮತ್ತೆಕ ಮಾನದಂಡ ನಂಯ್ ಬದಲಾಕ ಕ್ರಿಯಾಶೀಲತೆನ ಸವಾಲ ಎದುರಿಸುಚೆ ಸಾಮರ್ಥ್ಯ ಶಿಕುನು ವಾಡೊವಕಾ, ಮಸ್ತ ವೇಗಾನ ಧಾಂವಚೆ ಆರ್ಥಿಕತಾ ಸ್ಪರ್ಧಾತ್ಮಕ ಜಗತ್ತ್ಯಾಂತ ಅಭಿವೃದ್ಧಿ ಆನಿ ಆವಿಷ್ಕಾರಾಚೆ ನವೆ ನವೆಂ ತಂತ್ರಜ್ಞಾನ ಆನಿ ಬದಲಾವಣೆಕ ಒಟ್ಟೂಚಿ ಸಂಸ್ಕಾರ ಆನಿ ಮೊಲಾಧಿಕ ಜೀವನ ಬಾಂದುಚಾಕ ವಿದ್ಯಾರ್ಥಿಂನಿ ತಯಾರ ಜಾವನು ಆಸೂಕಾ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಆಡಳಿತ ಮಂಡಳಿಚೆ ಟ್ರಸ್ಟಿ ಶ್ರೀ ಡಿ. ರಮೇಶ್ ನಾಯಕ್ ಮೈರ ಹಾನಿ ಶಿಬಿರಾರ್ಥಿಂಕ ಶುಭ ಸಾಂಗುನು ಅಭಿನಂದನ ಕೆಲೆಂ.

ಹ್ಯಾ ಸಂದರ್ಭಾರ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯ ಗೌಡ್ ಬ್ರಾಹ್ಮಣ ಸಂಘಾಚೆ ಕಾರ್ಯದರ್ಶಿ ಶ್ರೀ ದಯಾನಂದ ನಾಯಕ್ ಪುಂಜಾಲ್ ಕಟ್ಟೆ, ಹಾನಿ ಶಿಬಿರಾಚೆ ಅಗತ್ಯ ವಿವರಣ ದಿಲೆಂ. ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನಾಚೆ ಪದಾಧಿಕಾರಿ ಸುಧೀರ್ ನಾಯಕ್ ಅಮ್ಮೆಂಬಳ, ಹಾನಿ ಸಂಘಟನೆಚೆ ಮಹತ್ವ ಪ್ರಸ್ತುತ ಕೆಲೆಂ. ಕಾರ್ಯಾಗಾರಾಂತ ಶಿಬಿರಾಥಿ೯ ರಕ್ಷಿತಾ ಶೆಣೈ ಕಪೆ೯ ಹಾಣಿ ಸ್ವಾಗತ ಕೆಲೆಂ. ರಾಮ್ ಪ್ರಸಾದ್ ಹಾನಿ ವಂದನ ಕೆಲೆಂ, ಶ್ರೀಷಾ ಕುಮಾರ್ ನ ನಿರೂಪಣ ಕೆಲೆಂ. ಸುರೇಂದ್ರ ನಾಯಕ್ ನೂಜಿನಡ್ಕ, ಚಿದಾನಂದ ಪ್ರಭು ಒಡ್ಡೂರು, ಮುರಳೀಧರ ಪ್ರಭು ವಗ್ಗ, ಸುಚಿತ್ರ ರಮೇಶ್ ನಾಯಕ್, ಶ್ರೀಮತಿ ಸುಜಾತ ರಮೇಶ್ ಸಾಮಂತ್, ಸಂಜೀವ್ ಸಾಮಂತ್, ಅನಂತ್ ಪ್ರಭು ಮರೋಳಿ, ಪ್ರಶಾಂತ್ ಸಿದ್ಧಕಟ್ಟೆ, ಮಧುಸೂದನ್, ರಕ್ಷಾ ಸಭೆಂತ ಉಪಸ್ಥಿತ ಆಶಿಲಿಂಚಿ.