ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ತರಪೇನ ಹರ ವರ್ಷ ಕೊಂಕಣಿ ಸಾಹಿತ್ಯ, ಜಾನಪದ ಆನಿ ಕಲಾ ಕ್ಷೇತ್ರಾಂತು ಅಮೋಘ ಸೇವಾ ಪಾವಯಿಲೆ ಸಾಧನಾಶೀಲಾಂಕ ವಿಂಚೂನ ಗೌರವ ಪ್ರಶಸ್ತಿ ತಶೀಚಿ ತ್ಯಾ ತ್ಯಾ ವರ್ಷಾಚೆ ಪುಸ್ತಕ ಪ್ರಶಸ್ತಿ ವಾಂಟಿತಾ ಆಸ್ಸುನು ಅವುಂದು ವರ್ಸ ತಸ್ಸಾಲೊ ಕಾರ್ಯಕ್ರಮು ದಿನಾಂಕ ೧೦-೧೧-೨೦೨೪ಕ ಹೊನ್ನಾವರಚೆ ಕಾಸರಕೋಡಾಚೆ ಶ್ಯಾನಭಾಗ್ ರೆಸಿಡೆನ್ಸಿಚೆ ವಠಾರಾಂತ ಚಲ್ತಾ ಮ್ಹಣಚೆ ಮಾಹಿತ ಮೆಳ್ಳಾ.
ಅವುಂದು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಾನ ಪ್ರಶಸ್ತಿಕ ವಿಂಚಿಲೆ ಮಹನೀಯ ಮ್ಹಳಯಾರಿ
ಕೊಂಕಣಿ ಸಾಹಿತ್ಯ: ಮಾರ್ಸೆಲ್ ಎಮ್. ಡಿಸೋಜ, ಮಂಗಳೂರು, (ಗೌರವ ಪ್ರಶಸ್ತಿ)
ಕೊಂಕಣಿ ಕಲಾ: ಹ್ಯಾರಿ ಫೆರ್ನಾಂಡಿಸ್, ಮುಂಬಯಿ, (ಗೌರವ ಪ್ರಶಸ್ತಿ)
ಕೊಂಕಣಿ ಜಾನಪದ: ಅಶೋಕ್ ದಾಮು ಕಾಸರಕೋಡ್. (ಗೌರವ ಪ್ರಶಸ್ತಿ)
ಹಾಂಕಾ ಗೌರವ ಪ್ರಶಸ್ತಿ ಸಾಂಗತ ರೂ. ೫೦,೦೦೦/-ನಗದಿ, ಪ್ರಮಾಣ ಪತ್ರ, ಶಾಲ, ಹಾರ, ಪೇಟ, ಸ್ಮರಣಿಕಾ, ಫಲಪುಷ್ಪ ಮೇಳ್ನು ಆಸತಾ.
ತಶೀಚಿ ಪುಸ್ತಕ ಪುರಸ್ಕಾರ ವಿಜೇತ ಮ್ಹಳಯಾರಿ
ಕೊಂಕಣಿ ಕವನ : “ಅಟ್ವೊ ಸುರ್” – ಮೇರಿ ಸಲೋಮಿ ಡಿಸೋಜ, ಬಂಟ್ವಾಳ
ಕೊಂಕಣಿ ಸಾನ ಕಾಣಿಯೊ: “ಪಯ್ಲಿ ಭೆಟ್” – ಫಾ.ರೊಯ್ಸನ್ ಫೆರ್ನಾಂಡಿಸ, ಹಿರ್ಗಾನ್
ಕೊಂಕಣಿ ಭಾಷಾಂತರ: “ಎಕ್ಲೊ ಎಕ್ಸುರೊ” – ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ), ಮಂಗಳೂರು
ಹಾಂಕಾ ಪುಸ್ತಕ ಪುರಸ್ಕಾರಾಚೆ ಸಾಂಗತ ರೂ.೨೫,೦೦೦/- ನಗದಿ, ಪ್ರಮಾಣ ಪತ್ರ, ಶಾಲ, ಹಾರ, ಸ್ಮರಣಿಕಾ, ಫಲಪುಷ್ಪ ಆಸತಾ ಮ್ಹೊಣು ಕೊಂಕಣಿ ಅಕಾಡೆಮಿಚೆ ಪ್ರಕಟಣೇನ ಕಳಯಲಾ.
ಪ್ರಶಸ್ತಿ ಪ್ರಧಾನ ಸಮಾರಂಭಾಂತು ಕರ್ನಾಟಕ ಸರ್ಕಾರಾಚೊ ಮೀನುಗಾರಿಕೆ, ಬಂದರು ಮತ್ತು ಒಳನಾಡು ಜಲಸಾರಿಗೆ ಆನಿ ಉತ್ತರ ಕನ್ನಡ ಜಿಲ್ಲೆಚೊ ಉಸ್ತುವಾರಿ ಸಚಿವ ಮಂಕಾಳ ಎಸ್. ವೈದ್ಯ ಹಾನ್ನಿ ಪ್ರಶಸ್ತಿ ಪ್ರದಾನ ಕರತಾತಿ. ಶಾಸಕ ಸತೀಶ್ ಸೈಲ್, ಕುಮಟ-ಹೊನ್ನಾವರ ಶಾಸಕ ದಿನಕರ ಶೆಟ್ಟಿ, ಕಾಸರಕೋಡು ಪಂಚಾಯತ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್ ಮಾನಾಚೆ ಸೊಯ್ರೆ ಜಾವ್ನು ಎತ್ತಲೆ ಮ್ಹೊಣು ಅಕಾಡೆಮಿನ ಕಳಯಿಲಾ.