ಹಾನಗಲ್‌ನ ಆಕ್ಸ್‌ಫರ್ಡ್ ಶಾಲಾ ಆವಾರಾಂತು ದಿನಾಂಕ. ೨೦.೧೦.೨೦೨೪ ದಿವಸು ಡಾ ಗಣೇಶ ಕಮಲಾಕರ ವೆರ್ಣೇಕರ ತಾಂಗೆಲೆ ಮಾರ್ಗದರ್ಶನಾರಿ ದೈವಜ್ಞ ಬ್ರಾಹ್ಮಣ ಸಮಾಜ, ಹಾನಗಲ್ ಹಾನ್ನಿ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ ಆಯೋಜನ ಕೆಲೀಲೆ.
ಗೋಡಮೂತ ತಪಾಸಣ, ರಕ್ತಾಚೆ ದಬಾವ ತಪಾಸಣ, ಹೃದ್ರೋಗ ಸೊಚ್ಚೆ, ಇಸಿಜಿ ಆನಿ ೨ಡಿ ಎಕೋ ತಪಾಸಣ ಉಚಿತ ಜಾವ್ನು ಕೆಲ್ಲೆ. ಹಾನಗಲ್ ತಾಲೂಕಾಚೆ ಲೋಕ ಚ್ಹಡ ಅಂಕಡ್ಯಾರಿ ಯವ್ನು ಶಿಬಿರಾಚೆ ಪ್ರಯೋಜನ ಘೆತ್ಲೆ. ವೆಗವೆಗಳೆ ಸರ್ಕಾರಿ ಯೋಜನೆಂತು ರೋಗನಿರ್ಣಯಾಚೆ ಪ್ರಕರಣಾಕ ಚ್ಹಡ್ತೆ ಚಿಕಿತ್ಸೆ ಖಾತ್ತಿರಿ ಅಗತ್ಯ ಯೋಜನ ಕೆಲೀಲೆ.
ಹಾನಗಲ್ ಲೋಕಾಂಗೆಲೆ ಆರೋಗ್ಯ ಖಾತ್ತಿರಿ ಕಾಳಜಿ ಘೆವಚಾಕ ಹೇ ಶಿಬಿರ ಆಯೋಜನ ಕೆಲೀಲೆ ಆಸ್ಸುನು ಮುಖಾರಿ ಸಬಾರ ಪಂತಾ ಅಸ್ಸಾಲೆ ಶಿಬಿರಿ ಆಯೋಜನ ಕೊರಚೆ ಆಸ್ಸಾ ಮ್ಹೊಣು ಹಾನಗಲ್ ದೈವಜ್ಞ ಬ್ರಾಹ್ಮಣ ಸಮಾಜ ಅಧ್ಯಕ್ಷ ಸುರೇಶ ರಾಯ್ಕರ ತಾನ್ನಿ ಕಳಯಿಲೆ.
ವೆಗವೆಗಳೆ ಆರೋಗ್ಯ ಸ್ಥಿತಿಚೆ ಲೋಕಾಂಕ ತಪಾಸಣ ಆನಿ ರೋಗನಿರ್ಣಯ ಕೊರಚಾಕ ಆಯೋಜನ ಕೆಲೀಲೆ ಶಿಬಿರಾನ ಆರಂಭಿಕ ರೋಗನಿರ್ಣಯ ಆನಿ ಪಯಲೇಚೆ ಹಂತಾಂತೂ ತ್ವರಿತ ಚಿಕಿತ್ಸಾ ದಿವಯಚಾಕ ಸಾಧ್ಯ ಆಸ್ಸ. ಮ್ಹೊಣು ಡಾ ಗಣೇಶ ವೆರ್ಣೇಕರ ತಾನ್ನಿ ಸಾಂಗಲೆ.
ಹುಬ್ಬಳ್ಳಿ ವಿಹಾನ್ ಹೃದ್ರೋಗ ಆಸ್ಪತ್ರೆಚೆ ತಂಡಚಾನ ಸರ್ವ ಹೃದಯ ಸಂಬಂಧಿ ಪ್ರಕರಣ ತಪಾಸಣ ಕೆಲ್ಲಿ.
ಕಾರ್ಯದರ್ಶಿ ಮಂಜುನಾಥ ಶೇಟ್, ಉಪಾಧ್ಯಕ್ಷ ಮಂಜುನಾಥ ದೈವಜ್ಞ, ಖಜಾಂಚಿ ಸತ್ಯನಾರಾಯಣ ರಾಯ್ಕರ್, ಅನಿಲ್ ವೆರ್ಣೇಕರ್, ದತ್ತಾತ್ರೇಯ ವೆರ್ಣೇಕರ್, ಮಂಜುನಾಥ ವೆರ್ಣೇಕರ್, ಬಾಲಚಂದ್ರ ರಾಯ್ಕರ್, ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಸದಸ್ಯ, ಹಾನಗಲ್ ತಶೀಚಿ ಎಂ.ಆರ್.ಎಸ್. ರಾಯ್ಕರ್, ಕೋಶಾಧಿಕಾರಿ, ಹಾನಗಲ್, ದೈವಜ್ಞ ಬ್ರಾಹ್ಮಣ ಮಹಿಳಾ ಮಂಡಳ ತಶೀಚಿ ಡಾ ಸೌಜನ್ಯ ಹಿರೇಮಠ ಆನಿ ವಿಹಾನ್ ಹೃದಯ ಆಸ್ಪತ್ರೆಚೆ ಶ್ರೀ ಮಂಜುನಾಥ್ ಕಾರ್ಯಕ್ರಮಾಂತು ಉಪಸ್ಥಿತ ವ್ಹರಲೀಲೆ.