ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಮಂಗಳೂರು ಹಾನ್ನಿ ಗೌರವ ಪ್ರಶಸ್ತಿ-2024ಕ ಆನಿ ಪುಸ್ತಕ ಬಹುಮಾನ-2024ಕ ಅರ್ಜಿ ಆಹ್ವಾನ ಕೆಲ್ಲ್ಯಾ. ಅರ್ಜಿ ಪೆಟಯಚಾಕ ಮಾಹಿತಿ ಅಶ್ಶಿ ಆಸ್ಸಾ.
೧. ಪುಸ್ತಕ ಬಹುಮಾನ- ೨೦೨೪ : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ೨೦೨೪ಚೆ ಕ್ಯಾಲೆಂಡರ್ ವರ್ಷಾಂತು (೨೦೨೪ ಜನವರಿ ೧ ತಾಕೂನು ೨೦೨೪ ಡಿಸೆಂಬರ್ ೩೧) ಪ್ರಕಟಿತ (೧) ಕೊಂಕಣಿ ಕವನ, (೨) ಕೊಂಕಣಿ ಲ್ಹಾನಕಾಣಿ ಜಾಂವೊ ಕಾದಂಬರಿ. (೩) ಕೊಂಕಣಿಕ ಭಾಷಾಂತರ ಕೇಲೀಲೆ ಕೃತಿ (ಪ್ರಥಮ ಆದ್ಯತಾ) ಜಾಂವೊ ಲೇಖನ/ ಅಧ್ಯಯನ/ ವಿಮರ್ಶೆ ಖಾತೇರಿ ಲೇಖಕ/ಪ್ರಕಾಶಕ ತಾಕೂನು ಪುಸ್ತಕ ಬಹುಮಾನ ಖಾತೆರಿ ಪ್ರಕಟಿತ ಪುಸ್ತಕಾಚೆ ೪ ಪ್ರತ್ರ್ಯೋ ಬರಶಿ ಅರ್ಜಿ ಆಹ್ವಾನ ಕೆಲ್ಲ್ಯಾ. ಪುಸ್ತಕ ಬಹುಮಾನ ರೂ.೨೫,೦೦೦/- ನಗ್ದಿ ಗೌರವಧನ, ಹಾರ, ಪ್ರಮಾಣಪತ್ರ, ಫಲತಾಂಬೂಲ ಸೇರೂನು ಆಸತಾ.
೨. ಗೌರವ ಪ್ರಶಸ್ತಿ-೨೦೨೪ : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ೨೦೨೪ವೇಂ ಸಾಲಾಂತು ೧.ಕೊಂಕಣಿ ಸಾಹಿತ್ಯ, ೨. ಕೊಂಕಣಿ ಕಲೆ(ಕೊಂಕಣಿ ನಾಟಕ, ಸಂಗೀತ, ಚಲನಚಿತ್ರ) ೩. ಕೊಂಕಣಿ ಜಾನಪದ ಹೇ ತೀನಿ ವಿಭಾಗಾಂತು ಜೀವಮಾನಾಚೆ ಸಾಧನೆ ಖಾತೇರಿ ಅರ್ಹ ತಾಕೂನು ಗೌರವ ಪ್ರಶಸ್ತಿ ಖಾತೇರಿ ಅರ್ಜಿ ಆಹ್ವಾನ ಕೆಲ್ಲ್ಯಾ. ಹೇ ಪ್ರಶಸ್ತಿ ರೂ ೫೦,೦೦೦/- ಗೌರವಧನ, ಶಾಲ, ಸ್ಮರಣಿಕಾ, ಹಾರ, ಪ್ರಮಾಣ ಪತ್ರ, ಫಲತಾಂಬೂಲ ಸೇರೂನು ಆಸತಾ. ಸಾಧಕಾನಿ ಸ್ವತಃ ಸಂಘ ಸಂಸ್ಥೆಚಾನಿ, ಸಾರ್ವಜನಿಕಾನಿ ವರೇನ ಸಾಧಕಾಲೆ ನಾಂವ ಅಗತ್ಯ ದಾಖಲೆ ಸಹಿತ ಅರ್ಜಿ ಧಾಡಯೇತ. ಗೌರವ ಪ್ರಶಸ್ತಿಕ ಅರ್ಜಿ ಘಾಲತಲ್ಯಾನಿ ಕವರಾ ವಯ್ರಿ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ-೨೦೨೪” ತಶೀಚಿ ಪುಸ್ತಕ ಬಹುಮಾನಾಕ ಅರ್ಜಿ ಘಾಲತಲ್ಯಾನಿ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ ಬಹುಮಾನ -೨೦೨೪” ಮ್ಹೊಣು ಚ್ಹೂಖನಾಶಿ ನಮೂದ ಕೊರಕಾ.
ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕಾ ಕಟ್ಟಡ, ಲಾಲ್ಟಾಗ್, ಮಂಗಳೂರು ೫೭೫೦೦೩, ಹಾಂಕಾ ದಿನಾಂಕ ೩೧.೧೨.೨೦೨೪ ಭಿತ್ತರಿ ಅರ್ಜಿ ಧಾಡ್ನು ದಿವಕಾ ಮ್ಹೊಣು ಕಳಯಲಾ.