ಇಂಗ್ಲೀಷ್ ಕಾರ್ಯಗಾರದ ಸಮಾರೋಪ ಸಮಾರಂಭ

*ಶ್ರೀ ಭುವನೇಂದ್ರ ಬಾಲಕಾಶ್ರಮ ಬಸ್ರೂರಾಂತು ಆಶ್ರಮಾಚೆ ನಿವಾಸಿಂಕ ೪ ಶನ್ವಾರ್‍ಚಾನ ಚಲಾಯಿಸೂನು ಘೇವನು ಆಯಲೀಲೆ ಇಂಗ್ಲೀಷ್ ಕಾರ್ಯಗಾರ ಆರತ ಸಮಾಪನ ಜಾಲ್ಲೆ. ಕಾರ್ಯಗಾರಾಚಿ ಸಂಪನ್ಮೂಲ ವ್ಯಕ್ತಿ ಜಾವನು ನಿವೃತ್ತ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಲತಾ ಭಟ್ ತಾನ್ನಿ ಆಯ್ಯಿಲೆ. ತಾನ್ನಿ ಉಲಯತಾ ಶಿಕ್ಷಣಾಚೆ ಮಹತ್ವ ತಶೀಚಿ ಆಧುನಿಕ ಯುಗಾಂತು ಇಂಗ್ಲೀಷ್ ಭಾಸ ಶಿಕ್ಕಾ ಜಾಲೀಲೆ ಅನಿವಾರ್ಯತಾ ಖಾತ್ತಿರಿ ಕಳಯಿಲೆ. ಸಮಾರಂಭಾಚೆ ಅಧ್ಯಕ್ಷತ ಪಣ ಶ್ರೀಮತಿ ಸುಚಿತ್ರಾ ಅಜೇಯ ಆಚಾರ್ಯ ತಾನ್ನಿ ಘೆತ್ತಿಲೆ. ಸಂಪನ್ಮೂಲ ವ್ಯಕ್ತಿ ಶ್ರೀಮತಿ ಲತಾ ಭಟ್ ತಾಂಕಾ ಶ್ರೀಮತಿ ಸುಚಿತ್ರಾ ಆಚಾರ್ಯ ತಾನ್ನಿ ಶಾಳ ಪಾಂಗೂರ್ನು, ಯಾದಗಾರ ದಿವನು ಹಾರ್ದಿಕ ಜಾವ್ನು ಗೌರವ ಕೆಲ್ಲೆ. ಶ್ರೀ ಭುವನೇಂದ್ರ ಬಾಲಕಾಶ್ರಮಾಚೆ ಸಮೀಕ್ಷಕ ಜಾಲೀಲೆ ಶ್ರೀ ರಾಮಚಂದ್ರ ಪಡಿಯಾರ್ ತಾನ್ನಿ ಸಕಡಾಂಕ ಸ್ವಾಗತ ಕೆಲ್ಲಿ.