ಕುಮಟಾಂತು ಕೊಂಕಣಿ ಮಾನ್ಯತಾ ದಿವಸ ಆಚರಣ

ಕೊಂಕಣಿ ಮಾನ್ಯತಾ ದಿವಸ ಕೊಂಕಣಿ ಪರಿಷತ್ ಕುಮಟಾ ತರಪೇನಿ ಆಚರಣ ಕೆಲ್ಲಿ. ಸಮಾರಂಭ ರೋಟರಿ ಸಭಾಭವನ ಕುಮಟಾಂತು ಚಲ್ಲೆ. ಡಾ. ಎ ವಿ ಬಾಳಿಗ ಆರ್ಟ್ಸ್ ಅಂಡ್ ಸೈನ್ಸ್ ಮಹಾವಿದ್ಯಾಲಯ ಕುಮಟಾ ಹಾಜ್ಜೆ ಪ್ರಾಚಾರ್ಯ ಡಾ. ಎನ್ಕೆ ನಾಯಕ್ ತಾನ್ನಿ ಸಮಾರಂಭಾಚೆ ಉದ್ಘಾಟನ ಕೆಲ್ಲಿ.
ಕೊಂಕಣಿ ಭಾಷೆ ವಯ್ರಿ ವೆಗಳೆ ಭಾಷೆಚೆ ಪ್ರಭಾವ ಆಸಲೇರಿಚಿ ಕುಮಟಾ ಪ್ರದೇಶಾಂತು ಅನೇಕ ಸಮಾಜಾಚೆ ಲೋಕ ಕೊಂಕಣಿ ಉಲಯತಾತಿ. ಹಾಂಕ ಸಕಡಾಂಕ ಏಕತ್ರ ಕೊರಚೆ ಕಾಮ ಚೊಲ್ಕಾ ಮ್ಹೊಣು ತಾನ್ನಿ ಸಾಂಗ್ಲೆ. ಸಮಾರಂಭಾಚೆ ಅಧ್ಯಕ್ಷಪಣ ಅರುಣ್ ಉಬಯಕರ್ ತಾನ್ನಿ ಘೆತ್ತಿಲೆ. `ಯುವಕಾರಾನಿ ಕೊಂಕಣಿ ಕಾರ್ಯಕ್ರಮಾಕ ಚ್ಹಡ ಚ್ಹಡ ಯವ್ಕಾ ಮ್ಹೊಣು ತಾನ್ನಿ ಆಪೋವ್ಣಿ ದಿಲ್ಲಿ.
ಕೊಂಕಣಿ ಕಾಣಿ ಸಾಂಗ್ಚೆ ಸ್ಪರ್ಧೆಂತು ಸಮೀಕ್ಷಾ , ಪನ್ನಗ, ಸ್ವಯಂ ತಾನ್ನಿ ಬಹುಮಾನ ಜಿಕ್ಲೆ. ಹೈಸ್ಕೂಲ್ ವಿಭಾಗಾಚೆ ಭಾಷಣ ಸ್ಪರ್ಧೆಂತು ಅನಾಘ ಪೈ, ಸುಹಾಸಿನಿ ಪೈ , ಸ್ಮೃತಿ ಶೇಟ್ ತಾನ್ನಿ ಜಿಕ್ಲೆ. ಕಾಲೇಜ್ ವಿಭಾಗಾಚೆ ಭಾಷಣ ಸ್ಪರ್ಧೆಂತು ಅಮೂಲ್ಯ , ಮಹಾಲಕ್ಷ್ಮಿ, ಗೌತಮ್ ಜಿ ಭಟ್ ಪ್ರಥಮ್, ದ್ವಿತೀಯ ,ತೃತೀಯ ಬಹುಮಾನ ವಾಂಟೂನು ಘೆತ್ಲೆ.
ಬಾಯ್ಲಮನ್ಶೆ ಖಾತ್ತಿರಿ ಚಲೀಲೆ ಪರಭೆಚೆ ಆಚರಣೆಚೆ ಕ್ವಿಜ್ ಸ್ಪರ್ಧೆಂತು ಶ್ರದ್ಧಾ ಶಶಿಕಾಂತ್ ಪ್ರಥಮ, ಗೌರಿ ಕೋಟಿ ದ್ವಿತೀಯ, ಸುರೇಖಾ ಅರ್ ಬಾಳಿಗ ತೃತೀಯ ಸ್ಥಾನ ಘೆತ್ಲೆ.
ಸಿ‌ಎ ಪರೀಕ್ಷೆಂತು ಸಾಧನ ಕೆಲೀಲೆ ಶ್ರೀನಿಧಿ ರವಿಕಾಂತ್ ಕಾಮತ್ ತಶೀಚಿ ವೆಂಕಟೇಶ್ ನಾಗೇಶ್ ಪ್ರಭು ತಾಂಕಾಯಿ ಸನ್ಮಾನು ಕೆಲ್ಲೆ.
CET ತಶೀಚಿ JEE ಪರೀಕ್ಷೆಂತು ಸಾಧನಾ ಕೆಲೀಲೆ ಅಕ್ಷತಾ, ಶ್ರೀಕೃಷ್ಣ, ತಿಲಕ್ ಹಾಂಕಾ ಅಭಿನಂದನ ಕೆಲ್ಲೆ. ಕೊಂಕಣಿ ಪರಿಷತ್ ಕಾರ್ಯದರ್ಶಿ, ಶ್ರೀಮತಿ ನಿರ್ಮಲಾ ಪ್ರಭು ವೇದಿಕೆರಿ ಆಶ್ಶಿಲೆ. ಉಪಾಧ್ಯಕ್ಷ ಶ್ರೀ ಎಂ. ಬಿ ಪೈ ತಾನ್ನಿ ಆಬಾರ ಮಾನಲೆ. ಶ್ರೀಮತಿ ವನಿತಾ ನಾಯಕ್ ತಾನ್ನಿ ಸ್ವಾಗತ ಕೆಲ್ಲಿ. ಶ್ರೀಮತಿ ದೀಪ ನಾಯಕ್, ಶ್ರೀಮತಿ ದೀಪ ವಿನಾಯಕ ತಾನ್ನಿ ಸ್ವರ ಸಂಚಾಲನ ಕೆಲ್ಲಿ. ಪರಿಷತ್ ಸದಸ್ಯ ಶ್ರೀ ವಿನೋದ್ ಪ್ರಭು, ಶ್ರೀ ಆನಂದ ನಾಯಕ್, ಶ್ರೀ ಎಂ . ಕೆ. ಶಾನಭಾಗ್ ಉಪಸ್ಥಿತ ಆಶ್ಶಿಲೆ. ಶ್ರೀಮತಿ ವಿದುಷಿ. ನಯನ ಪ್ರಭು ಶಿಷ್ಯ ತಾಕೂನು ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ಲೆ.