ಉಡ್ಪಿ ಕಲ್ಯಾಣಪುರ್‍ಚೆ ಶ್ರೀ ರಾಮಂಜನೇಯ ದೇವಳಾಚೊ ಅರ್ಚಕ ಜಾಲೀಲೆ ವೇದಮೂರ್ತಿ ಕಾಶೀನಾಥ್ ಭಟ್ ಹಾನ್ನಿ ಘೆಲೀಲೆ ೩೫ ವರ್ಷಾಚಾನ ಶ್ರೀ ಅನಂತ ಪದ್ಮನಾಭ ವೃತಾಕ ( ಅನಂತನೋಪಿಂಕ ) ಪೂಜೆಕ ಅಗತ್ಯ ಆಸ್ಸುಚೆ ಅನಂತ ಶೇಷನಾಗ , ವಿಶೇಷ ಜಾವನು ಅಷ್ಟ ಪವಿತ್ರ ನಾಗಮಂಡಲಾಚೆ ಸ್ವರೂಪಾಂತು ದರ್ಬೆ ಮುಖೇನ ಸಾತ ಹೆಡೆಚೆ ನಾಗದೇವಾಲೆ ಬಿಂಬ ಸ್ವರೊಪಾಚೆ ಕಲಾಕೃತಿ ತಯಾರ ಕೊರನು ಉಡುಪಿ ಆಸ್ಪಾಸಾಚೆ ದೇವಳಾಕ ಳಕ್ಕೆ ಉಚಿತ ಜಾವನು ದಿತ್ತಾ ಆಯಲಿಂತಿ. ಹಾಂಗೆಲೆ ಸೇವಾ ಮಸ್ತ ಲೋಕಾನಿ ತಾರೀಪು ಕೆಲ್ಲ್ಯಾ. ಹಾನ್ನಿ ಆಪಣೇಲೆ ಬಾಪಯಿ ಹರಿನಾರಾಯಣ ಭಟ್ಟ ತಾಂಗೆಲೆ ತಾಕೂನು ಶಿಕ್ಕಿಲೆ ಹೇ ದರ್ಬೆಚೆ ಕಲಾ ಕೃತಿಕ ಜಾಯಿ ಜಾಲೀಲೆ ದರ್ಬೆ ಕೆಮ್ಮಣ್ಣು ತಾಕೂನು ಹಾಡ್ನು ತಾಂಗೆಲೆ ಶ್ರೀ ರಾಮ ನಿವಾಸಾಂತು ೧೫ ದಿವಸ ತಾಕ್ಕಾ ಉಪಚಾರ ಕೊರನು ವಿಂಡೂನು ೨ ಫೀಟ್ ಲಾಂಬಾಯ್ಚೆ ಸಾತ ಹೆಡೆಚೆ ನಾಗದೇವಾಲೆ ಬಿಂಬ ಸ್ವರೊಪಾಚೆ ಕಲಾಕೃತಿ ರಚನ ಕರತಾತಿ. ಹೇ ವರ್ಷ ಸುಮಾರ ೧೯ ಬಿಂಬ ಕಲಾಕೃತಿ ರಚನ ಕೊರನು ಉಡುಪಿ ಲಾಗ್ಗಿಚೆ ಉದ್ಯಾವರ ವೀರ ವಿಠಲ್ ದೇವಳ, ಚೇಂಪಿ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳ, ತೆಂಕಪೇಟೆಯ ಆಚಾರ್ಯ ಮಠ , ಕಲ್ಯಾಣಪುರದ ಶ್ರೀ ವೆಂಕಟರಮಣ ದೇವಳ, ಬ್ರಹ್ಮಾವರ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ತಶೀಚಿ ಮ್ಹಾಲ್ಯಡ್ಯಾಲೆ ಘರಾಣಿಚೆ ದೇವಾಲೆ ಪೂಜೆಕ ಉಚಿತ ಜಾವನು ದಿತ್ತಾ ಆಯಲಿಂತಿ.
ಯುವಕಾರಾಂಕ ತರಬೇತಿ :-ಮಸ್ತ ಅಪರೊಪಾಚೆ ಹೇ ಕಲಾಕೃತಿ ಕಲಾ ಆಪಣಾಲೆ ಬರಶಿ ದೇವ ಸೇವಾ ಕೊರಚೆ ಅರ್ಚಕಾಂಕ, ಚರಡುವಾಂಕ, ಪತ್ನಿ ಭಾಗ್ಯಲಕ್ಷ್ಮೀ ಭಟ್, ಸುನ್ನಾಂಕ ತರಬೇತಿ ದಿವಚೆ ಬರಶಿ ದೇವಾಲೆ ಸೇವಾ ಕೊರಚೆ ಬರಶಿ ಕಲಾ ವ್ಹರೋನು – ವಾಡ್ಡಯಚೆ ಪ್ರಯತ್ನ ಹಾನ್ನಿ ಕರೀತ ಆಸ್ಸಾತಿ.