ಕರ್ನಾಟಕ ರಾಜ್ಯ ಸರ್ಕಾರಾಚೆ ವಾರ್ತಾ ಆನಿ ಸಾರ್ವಜನಿಕ ಸಂಪರ್ಕ ಇಲಾಖೆಚೆ ಅಧೀನಾಂತು ಯವಚೆ ಕರ್ನಾಟಕ ಮಾಧ್ಯಮ ಅಕಾಡೆಮಿ ಸದಸ್ಯ ಜಾವ್ನು ಉಡುಪಿ ಜಿಲ್ಲ್ಯಾಚೆ ಕುಂದಾಪುರ್‍ಚೆ ಕುಂದಪ್ರಭ ಪತ್ರಿಕೆ ಸಂಪಾದಕ ಯು.ಎಸ್. ಶೆಣೈ (ಯು.ಸುರೇಂದ್ರ ಶೆಣೈ) ತಾಂಕಾ ನೇಮಣೂಕಿ ಕೊರನು ಸರಕಾರಾನಿ ಆದೇಶ ಕೆಲ್ಲ್ಯಾ.
ಮೂಲತ: ಕುಂದಾಪುರ ತಾಲೂಕು ಗಂಗೊಳ್ಳಿಚೆ ಜಾಲೀಲೆ ಯು.ಎಸ್.ಶೆಣೈ ತಾನ್ನಿ ಪತ್ರಿಕೋದ್ಯಮ ಕ್ಷೇತ್ರಾಂತು ಸುಮಾರ ೪೦ ವರ್ಷಾಚೆಂ ಅನುಭವ ಪಾವ್ಲಿಂತಿ. ಮೈಸೂರು ವಿ.ವಿ.ಚಾನ ಪತ್ರಿಕೋದ್ಯಮ ತರಬೇತಿ ಘೆತ್ತಿಲೆ ಹಾನ್ನಿ ೧೯೮೦ಂತು ನವಭಾರತ ಪತ್ರಾಚೆ ಪತ್ರಿಕಾ ವರದಿಗಾರ ಜಾವನು ಸೇವಾರಂಭ ಕೆಲ್ಲಿ. ಇಂಡಿಯನ್ ಎಕ್ಸಪ್ರೆಸ್, ಮುಂಗಾರು, ಹೊಸದಿಗಂತ ದೀಸಾಳೆಂ ಪತ್ರಾಂತು ರಿಪೋರ್ಟರ್ ಜಾವನು ಸೇವಾ ಪಾವೋನು ೧೯೯೧ಂತು ಕುಂದಾಪುರ ತಾಲೂಕಾಚೆ ಪ್ರಥಮ ಪತ್ರಿಕಾ ಕುಂದಪ್ರಭ ಹಪ್ತಾಳೆಂ ಸೂರು ಕೆಲ್ಲೆ. ತಾನ್ನಿ ಸಬಾರ ಯುವಕಾರಾಂಕ ಪತ್ರಕರ್ತ ಜಾವಚಾಕ ಪ್ರೇರಣಾ ದಿಲ್ಲೆ. ಉಡುಪಿ ಪ್ರತ್ಯೇಕ ಜಿಲ್ಲಾ ಜಾಲ್ಲ ಉಪರಾಂತ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘಾಚೆ ಕಾರ್ಯದರ್ಶಿ ಜಾವ್ನಾಶ್ಶಿಲೆ. ಕುಂದಪ್ರಭ ಟ್ರಸ್ಟ್ ತಶೀಚಿ ಜೈ ಕೊಂಕಣಿ ಸಂಸ್ಥೆಚೆ ಅಧ್ಯಕ್ಷ ಜಾವ್ನಾಶ್ಶಿಲೆ ಶ್ರೀ ಯು.ಎಸ್.ಶೆಣೈ ಮಾಮ್ಮಾನಿ ಪಂಚಗಂಗಾವಳಿ ಉತ್ಸವ ಸಮಿತಿ ಸಂಚಾಲಕ ಜಾವ್ನು ಜೊಡಲ್ಯಾ.

ಅಖಿಲ ಭಾರತ ಕೊಂಕಣಿ ಪರಿಷತ್ ಸಮ್ಮೇಳನ, ರಾಜ್ಯ ಮಟ್ಟಾಚೆ ಕೊಂಕಣಿ ಸಮ್ಮೇಳನ, ಕುಂದ ಕರಾವಳಿ ಉತ್ಸವ, ಪಂಚಗಂಗಾವಳಿ ಉತ್ಸವ ಸಹಿತ ಸಬಾರ ಸಮ್ಮೇಳನ ಸಂಘಟನ ಕೆಲೀಲೆ ಕೀರ್ತಿ ಹಾಂಗೆಲೆ ಜಾವನಾಸ್ಸ. ಯಕ್ಷಗಾನ, ಕಲಾ, ಸಾಹಿತ್ಯ, ಶೈಕ್ಷಣಿಕ ತಶೀಚಿ ಸಾಮಾಜಿಕ ರಂಗಾಂತು ಆಸಕ್ತಿ ಆಸ್ಸುಚೆ ಹಾನ್ನಿ, ಕುಂದಾಪುರ ತಾಲೂಕಾಚೆ ಸಬಾರ ಸಂಘ ಸಂಸ್ಥೆಂತು ಸೇವಾ ಪಾವಯಲಾ. ಹಾಂಕಾ ಸರಸ್ವತಿ ಪ್ರಭಾ ಪತ್ರಿಕಾ ಬಳಗಾ ತರಪೇನಿ ಅಭಿನಂದನ ಪಾವೋನು ದೇವು ಬರೆಂ ಕೊರೊ ಮ್ಹಣತಾ.