ಜಿ‌ಎಸ್ಬಿ ಸಮಾಜ ಬಾಂಧವಾಂಕ ಮಸ್ತ ಭಕ್ತಿ ಆನಿ ಗೌರವ ಪೂರ್ಣ ಜಾಲೀಲೆ ಮಂಜೇಶ್ವರ ಷಷ್ಠಿ ಮ್ಹೊಣು ನಾಮಾಧಿಕ ಜಾಲೀಲೆ ಮಂಜೇಶ್ವರ ಶ್ರೀಮತ್ ಅನಂತೇಶ್ವರ ದೇವಲೆಂ ತೇರು ಹೇಂಚಿ ಡಿಸೆಂಬರ ೭ ತಾರೀಖೆಕ ಚಲ್ತಾ. ತತ್ಸಂಬಂಧ ಡಿ.೨ ತಾಕೂನು ಡಿ.೮ ಪರ್ಯಂತ ದೇವಳಾಂತು ವೆಗವೆಗಳೆ ಧಾರ್ಮಿಕ ಕಾರ್ಯಕ್ರಮ ಚಲ್ತಾ. ಡಿ.೨ಕ ರಾತ್ತಿಕ ಪಾಲ್ಕಿ ಉತ್ಸವು, ವಸಂತ ಪೂಜಾ, ಮಂಗಳಾರ್ತಿ ಚಲಯಾರಿ, ಡಿ.೩ಕ ಧ್ವಜಾರೋಹಣ, ಯಾಗ-ಯಜ್ಞ, ಬಲಿ, ರಾತ್ತಿಕ ಬೊಂಬೆ ಚವರು ಉತ್ಸವು, ವಸಂತಪೂಜಾ ಚಲ್ತಾ. ಡಿ.೫ಕ ಸ್ವರ್ಣಪಾಲ್ಕಿ ಹಗಲೋತ್ಸವು, ಬಲಿ, ಗರುಡಮಂಟಪ ಚಂದ್ರಮಂಡಲ ರಥೋತ್ಸವು ಚಲ್ತಾ. ಡಿ.೬ಕ ಸ್ವರ್ಣ ಲಾಲ್ಕಿ ಹಗಲೋತ್ಸವು, ಅಭಿಷೇಕ, ದೇವಮಾಗಣಿ, ಅಭಿಷೇಕ ಆನಿ ತುಲಾಭಾರ, ಮಹಾಪೂಜಾ, ಶ್ರೀ ದೇವದರ್ಶನ ಪ್ರಾರ್ಥನಾ, ಯಜ್ಞಾ, ಬಲಿ, ಸಮಾರಾಧನ, ರುಪ್ಯಾ ಲಾಲ್ಕಿ ಮೃಗಬೇಟೆ, ಅಡ್ಡಪಾಲ್ಕಿ, ರಥೋತ್ಸವು, ವಸಂತಪೂಜಾ ಚಲ್ತಾ. ಡಿ.೭ಕ ಮಹಾಪೂಜಾ, ಯಜ್ಞಾ, ಪೂರ್ಣಾಹುತಿ, ಬಲಿ, ದೇವಾಲೆ ರಥಾರೋಹಣ, ರಥೋತ್ಸವು, ರಥಾವರೋಹಣ, ಮಂಗಳಾರ್ತಿ, ಸಮಾರಾಧನ ಚಲ್ತಾ. ಡಿ.೮ಕ ಅವಭೃತೋತ್ಸವು, ಲಾಲ್ಕಿ ರಥೋತ್ಸವು, ಶೇಷ ತೀರ್ಥ ಸ್ವಾನ, ಧ್ವಜಾವರೋಹಣ, ಪ್ರಸಾದ ವಾಂಟಪ, ಗಡಿಪ್ರಸಾದ ವಾಂಟಪ, ಮಂಗಳಾರತಿ ಆದಿ ಕಾರ್ಯಕ್ರಮ ಚೋಲ್ನು ಅವುಂದೂಚೆ ಮಂಜೇಶ್ವರ ಷಷ್ಟಿ ಉತ್ಸವು ಸಂಪನ್ನ ಜಾತ್ತಾ. ತಶೀಚಿ ಶ್ರೀ ಕಿರುಷಷ್ಠಿ ಮಹೋತ್ಸವು ದಿನಾಂಕ. ೩೧-೧೨-೨೦೨೪ ದಿವಸು ಚಲ್ತಾ.
ನವೀನ ಸ್ವರ್ಣ ಗರುಡವಾಹನ ಆನಿ ಬಂಡಿ
ಶ್ರೀ ದೇವಳಾಂತು ತೀನಿ ಫೀಟ್ ಗಾತ್ರಾಚೆ ಸ್ವರ್ಣ ಗರುಡ ವಾಹನ ಆನಿ ೧೫ ಫೀಟಾಚೆ(೮ಫೀಟ್ ರೂಂದಾಯಾಚೆ) ಬಂಡಿ ಕೊರಚಾಕ ಠರಯಿಲೆ ಆಸ್ಸಾ. ಹೇ ದೊನ್ನೀಕ ಒಟ್ಟು ಆಠ ಕೋಟಿ ರೂಪಯಿ ಖರ್ಚು ಎತ್ತಲೆ ಮ್ಹೊಣು ಅ0ದಾಜ
ಕೆಲೀಲೆ ಆಸ್ಸಾ. ತ್ಯಾ ಖಾತ್ತಿರಿ ಭಕ್ತ ಬಾಂದವಾನಿ ದುಡ್ಡು ಆನಿ ಭಾಂಗ್ರಾ ರೂಪಾಂತು ದೇಣಿಗಾ ದಿವನು ದೆವಾಲೆ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸಾ.