ದಾವಣಗೆರೆಚೆ ಶ್ರೀಮತಿ ಗೌರಮ್ಮ ನರಹರಿಶೇಟ್ ಸಭಾ ಭವನಾಂತು ದಿನಾಂಕ. ೧೬-೦೬-೨೦೨೪ ದಿವಸು ಶ್ರೀಮತಿ ಪ್ರೇಮಾ ಅರುಣಾಚಲ ಎನ್. ರೇವಣಕರ್ ಪ್ರತಿಷ್ಠಾನ ತಾಕೂನು ೨೦೨೩-೨೪ವೇಂ ಸಾಲಾಂತು ಸಾರ್ವಜನಿಕ ಶಿಕ್ಷಣ ಇಲಾಖೆಚೆ ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು ಅತ್ಯಧಿಕ ಅಂಕ ಘೆತ್ತಿಲೆ ದೈವಜ್ಞ ಬ್ರಾಹ್ಮಣ ಸಮುದಾಯಾಚೆ ಪ್ರತಿಭಾವಂತ ವಿದ್ಯಾರ್ಥಿ-ವಿದ್ಯಾರ್ಥಿನಿಂಕ ಶಾರದಾ ಪುರಸ್ಕಾರ ರಾಜ್ಯ ಪ್ರಶಸ್ತಿ ಪ್ರದಾನ ಸಮಾರಂಭ ಚಲ್ಲೆ. ಉದ್ಘಾಟಕ ಜಾವ್ನು ನಾಮಾಧಿಕ ಕವಿ, ಸಾಹಿತಿ ಬೆಂಗಳೂರ್ಚೆ ಬಿ.ಆರ್.ಲಕ್ಷ್ಮಣ್ರಾವ್ ಆಯ್ಯಿಲೆ.
ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ ಉಖೇಲ ಸೊಯರೆ ಜಾವ್ನು ನಾಮಾಧಿಕ ಮ್ಹಾಲ್ಗಡೆ ಚುಟುಕು ಕವಿ ಬೆಂಗಳೂರ್ಚೆ ಹೆಚ್.ಡುಂಡಿರಾಜ್ ಉಲೋನು ಆಯ್ಚೆ ಚರಡುವಾಂತು ಸಾಮಾನ್ಯ ಜ್ಞಾನಾಚೆ ಊಣೆಪಣ ವಿಷಾದನೀಯ ಮ್ಹಳ್ಳೆ. ಕರ್ನಾಟಕ ರಾಜ್ಯಾಚೆ ವೆಗವೆಗಳೆ ಜಿಲ್ಲೆಚಾನ ಆಯ್ಯಿಲೆ ೧೨೫ ಪ್ರತಿಭಾವಂತ ಚರಡುವಾಂಕ ಪೂರ್ಣಕುಂಭ ಸ್ವಾಗತ, ವಾಜ್ಜಽಪೆಂ ಬರಶಿ ಮೆರ್ವಣಿಗೇರಿ ಆಪೋನು ಹಾಡ್ನು ಕನ್ನಡ ಕಂಕಣ ಬಾಂದೂನು, ಕನ್ನಡ ತೀಳೋಂ ದವರೂನು ಪೋಷಕ ಬರಶಿ ಕನ್ನಡಾರತಿ ಕೊರನು ವೇದಿಕೆಂತು ಪ್ರತ್ಯೇಕ ಜಾವ್ನು ಭವ್ಯ ದಿವ್ಯ ವೇದಿPಚೆ ಮಂಟಪಾಂತು ಸಿಂಹಾಸನಾಂತು ಬಸ್ಕರೋನು ಪುಷ್ಪವೃಷ್ಟಿ ಬರಶಿ ಸನ್ಮಾನ ಕೊರನು, ಸಂಭ್ರಮಾನಿ ಶಾರದಾ ಪುರಸ್ಕಾರ ರಾಜ್ಯ ಪ್ರಶಸ್ತಿ ಪ್ರಧಾನ ಕೆಲ್ಲಿ.
ಸಮಾರಂಭಾಚೆ ಅಧ್ಯಕ್ಷ ಪಣ ಪ್ರತಿಷ್ಠಾನಾಚೆ ಸಂಸ್ಥಾಪಕ ಜಾಲೀಲೆ ಡಾ. ನಲ್ಲೂರು ಅರುಣಾಚಲ ಎನ್.ರೇವಣಕರ್ ತಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ಶ್ರೀಮತಿ ಪ್ರೇಮಾ ಅರುಣಾಚಲ ಎನ್.ರೇವಣಕರ್, ದಾವಣಗೆರೆಚೆ ಸರಫ್ ಜ್ಯೂಯಲರ್ಸ್ ಅಸೋಸಿಯೇಷನ್ ಪ್ರಧಾನ ಕಾರ್ಯದರ್ಶಿ ನಲ್ಲೂರು ರಾಜ್ಕುಮಾರ್, ಬೆಳಗಾವಿ ದೈವಜ್ಞ ಸಮಾಜಾಚೆ ಅಧ್ಯಕ್ಷ ದಯಾನಂದ ಜಿ.ನೇತಲ್ಕರ್ ಆಯ್ಯಿಲೆ. ಕವಿತಾ ಗುರುಪ್ರಸಾದ್ ವೆರ್ಣೇಕರ್ ತಾನ್ನಿ ಯೇವ್ಕಾರ ಕೆಲ್ಲೆ. ಶ್ರೀಮತಿ ನಿರ್ಮಲ ರಾಜೇಂದ್ರಬಾಬು ತಾನ್ನಿ ನಿರೂಪಣ ಕೆಲ್ಲೆ. ಪ್ರತಿಷ್ಠಾನಾಚೆ ಗೌರವ ಸಲಹೆಗಾರ ಸಾಲಿಗ್ರಾಮ ಗಣೇಶ್ಶೆಣೈನಿ ಪ್ರಾಸ್ತಾವಿಕ ಜಾವನು ಉಲಯಿಲೆ. ವಿದ್ಯಾ ಪರಮೇಶ್, ಸಾವಿತ್ರಿ ತಾನ್ನಿ ಪುರಸ್ಕೃತ ಚರಡುವಾಲೆ ಪಟ್ಟಿ ವಾಜ್ಜಿಲೆ. ನಲ್ಲೂರು ಲಕ್ಷ್ಮಣ್ರಾವ್, ಶ್ರೀಮತಿ ಅನಿತಾ ರಾಜೇಶ್ ಪಾವಸ್ಕರ್, ಶ್ರೀಮತಿ ಸೌಮ್ಯ ಸುಮಿತ್ ಅಣ್ವೇಕರ್ ದಂಪತಿ ವೇದಿಕೆರಿ ಉಪಸ್ಥಿತ ವ್ಹರಲೀಲೆ.