ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜಾಚೆ ೪೯ನೇ ವರ್ಷಾಚೆ ಶ್ರೀ ಗಣೇಶೋತ್ಸವ ವಿಜೃಂಭಣೆರಿ ಪಾಂಚ ದಿವಸು ಕಾಳ ಶ್ರೀ ರಾಮ ನಾಮ ಜಪ ಬರಶಿ ಯಶಸ್ವಿ ಜಾವನು ಚಲ್ಲೆ.
ಶ್ರೀ ಗಣಹೋಮ, ಮೂಡಗಣಪತಿ, ರಂಗಪೂಜೆ ಧೋಂಪಾರಾ ಆನಿ ರಾತ್ತಿಕ ನಿತ್ಯ ಪೂಜಾ, ಫುಲ್ಲಾ ಅಲಂಕಾರ ಪೂಜಾ, ಅನ್ನಸಂತರ್ಪಣ ಸಮಾಜಾಚೆ ಮಹಿಳಾ ವಿಭಾಗ ತಾಕೂನು ವೆಗವೆಗಳೆ ಸಾಂಸ್ಕೃತಿಕ ಚಟುವಟಿಕಾ, ಚರಡುವಾಂಕ, ಬಾಯ್ಲಮನ್ಶೆಂಕ, ದಾರಲ್ಯಾಂಕ ವೆಗವೆಗಳೆ ಸ್ಪರ್ಧಾ, ವಿಜೇತಾಂಕ ನಗ್ದಿ ಇನಾಮು, ಸಾಮೂಹಿಕ ಭಜ ಬರಶಿ ಚೋಲ್ನು ಹೇ ಆಧ್ಯಾತ್ಮ ಪರಂಪರಾ ಶಾಸ್ತ್ರೋಕ್ತ ಜಾವ್ನು ಧಾರ್ಮಿಕ ಸಮಾರಂಭಾಂತು ಸಮಾಜ ಬಾಂಧವ ಸಹಿತ, ಸಮಾಜಾಚೊ ಅಧ್ಯಕ್ಷ ಜಾಲೀಲೆ ಶ್ರೀಮತಿ ಅಮಿತಾ ಡಾ. ವೇಣುಗೋಪಾಲ್ ಪೈ, ಉಪಾಧ್ಯಕ್ಷ ನಿತ್ಯಾನಂದ ಕಾಮತ್, ಪ್ರಧಾನ ಕಾರ್ಯದರ್ಶಿ ಕೆ.ವೆಂಕಟರಮಣಭಟ್, ಖಜಾಂಚಿ ಆರ್.ವಿ.ಶೆಣೈ, ಸಹ ಕಾರ್ಯದರ್ಶಿ ಕಿರಣ್‌ಕುಮಾರ್ ಶೆಣೈ, ಸಮಿತಿ ಸದಸ್ಯ ರಾಘವೇಂದ್ರ ಕಾಮತ್, ಕೀರ್ತಿಕಿಣಿ, ಗಣೇಶ ಜಿ.ತಿಳ್ವೆ, ಶ್ರೀಮತ್ಯೋ ಜಾಲೀಲೆ ರೇಖಾ ಡಿ.ಪ್ರಭು, ಉಷಾ ವಾಲವಾಲ್ಕರ್ ಆದಿ ಲೋಕ ಉಪಸ್ಥಿತ ವ್ಹರಲೀಲೆ ಮ್ಹೊಣು ಸಮಾಜಾಚೆ ನಿಕಟಪೂರ್ವ ಅಧ್ಯಕ್ಷ ಜಾಲೀಲೆ ಸಾಲಿಗ್ರಾಮ ಗಣೇಶ್ ಶೆಣೈ ತಾನ್ನಿ ಕಳಯಲಾ. ಆರತಾ ಚಲೀಲೆ ಸಮಾಜಾಚೆ ಸರ್ವ ಸದಸ್ಯಾಂಗೆಲೆ ಮಹಾಸಭಾಂತು ಮುಖಾವಯಲೆ ೫೦ವೇಂ ವರ್ಷಾಚೆ ಸುವರ್ಣ ಶ್ರೀ ಗಣೇಶೋತ್ಸವ ವಿಜೃಂಭಣೆರಿ ಆಯೋಜನ ಕೊರಚೆ ಖಾತ್ತಿರಿ ಚರ್ಚಾ ಕೊರನು ತೀರ್ಮಾನು ಘೆತ್ಲೆ.