ಆಮ್ಮಿ ರಂಗ ಕರ್ಮಿ ನಾಟಕ ತಂಡಾಚೆ ಕಲಾವಿದ, ಗುರುಕೃಪಾ ಕಲಾರಂಗ, ದಹಿಸರ್ ಶ್ರೀ ಕಾಶಿಮಠ ಹಾಂಗೆಲೆ ಸಹಯೋಗಾರಿ ಕೊಂಕಣಿ ಹಾಸ್ಯ ಪ್ರಧಾನ, ಸಂಗೀತಮಯ ನಾಟಕ `ಲಗ್ನಾ ಪಿಶ್ಶೆ ‘ ಮೈಸೂರಾಂತು 17-08-2024ಕ ಡಾ|| ಜಗನ್ನಾಥ ಶೆಣೈ ಹಾಂಗೆಲೆ ಪ್ರಾಯೋಕತ್ವಾರಿ ಪ್ರಸ್ತುತ ಕೊರನು ಪ್ರೇಕ್ಷಕಾಂಕ ಮನರಂಜನ ದಿಲ್ಲಿ. ಕಾಸರಗೋಡು, ಉತ್ತರ ಕನ್ನಡ ಜಿಲ್ಲೆಚೆ ಪ್ರಖ್ಯಾತ ಲೇಖಕ ಬಾಲಕೃಷ್ಣ ಪುರಾಣಿಕ್, ( ಪುನಃ ಲೇಖನ A G Kamath), limca ದಾಖಲೆಚೆ Dr.Chandrashekhar Shenoy ಹಾಂಗೆಲೆ ನಿರ್ದೇಶನಪಣಾರಿ ಪ್ರಸ್ತುತ ಕೆಲ್ಲೆ.
ಪಾತ್ರವರ್ಗಾಂತು ಹರೀಶ್ ಚಂದಾವರ, ವೆಂಕಟೇಶ್ ಶೆಣೈ, ಅಕ್ಷತಾ ಕಾಮತ್, ಪ್ರಮೋದ್ ಮಲ್ಯ, ಸುರೇಶ್ ಕಿಣಿ, ಆನಿ ಕಮಲಾಕ್ಷ ಸರಾಫ್ ಹಾನ್ನಿ ಪಾತ್ರಾಕ ಸಮ್ಮ ಜಾವ್ನು ನಟನ ಕೊರನು ಸಕಡಾಂಕ ಖುಷಿ ಕೆಲ್ಲೆ. ಸುಧಾಕರ ಭಟ್ ಹಾನ್ನಿ ರಂಗವಿನ್ಯಾಸ, ಧ್ವನಿ ದೀಪ ನಿಯಂತ್ರಣ ತಶೀಚಿ ಪಾರ್ಶ್ವ ಸಂಗೀತಾಚೆ ಜವಾಬ್ದಾರಿ ಘೆತ್ತಿಲೆ. ಪರದೆ ಮಾಕಶಿ ಚೇತನ್ ಶೆಣೈ, ವಸುಧಾ ಪ್ರಭು, ಆನಂದ್ರಾಯ ಪ್ರಭು ಹಾಂಗೆಲೆ ಸಹಕಾರ ಆಶ್ಶಿಲೆ. ಬೆಂಗಳೂರ್‍ಚೆ ದಿವ್ಯಾ ಭಟ್ ಹಾನ್ನಿ ಚಂದ ಅಭಿನಯ ಆನಿ ನೃತ್ಯ ಪ್ರದರ್ಶನ ಕೊರನು ಲೋಕಾ ತಾಕೂನು ಶಾಹಬಾಸ್ ಘೆತ್ಲೆ. ನಾಟಕ ವೀಕ್ಷಣೇಕ ವ್ಹಡ ಅಂಕಡ್ಯಾರಿ ಸಮಾಜ ಬಾಂಧವ ಆನಿ ಕೊಂಕಣಿ ಲೋಕ ಉಪಸ್ಥಿತ ವ್ಹರಲೀಲೆ.