ಕೊಂಕಣಿ ಅಕಾಡೆಮಿಚಾನ ಸಾಹಿತ್ಯ ಸ್ಪರ್ಧಾ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಾನ ಎಂ.ಸಿ.ಸಿ. ಬ್ಯಾಂಕ್ ಲಿಮಿಟೆಡ್ ಹಾಂಗೆಲೆ ಪ್ರಾಯೋಜಕತ್ವಾರಿ ಕೊಂಕಣಿ ಕಾದಂಬರಿ ಸ್ಪರ್ಧಾ ತಶೀಚಿ ಕೊಂಕಣಿ ಲ್ಹಾನ ನಾಟ್ಕಳಿಚೆ ಸ್ಪರ್ಧೆಕ ಪ್ರವೇಶ ಪೆಟಯಚಾಕ ಅರ್ಜಿ ಆಮಂತ್ರಣ ಕೆಲ್ಲ್ಯಾ. ಕಾದಂಬರಿ ಎ೪ ಸೈಜಾಚೆ ಪೇಪರಾಂತು ೧೦೦ ತಾಕೂನು ೧೨೦ ಪಾನ ಟೈಪ್ ಕೊರನು ಆಸ್ಸುಕಾ. ಪಯಲೇಚೆ ಇನಾಮು ರೂ. ೨೫,೦೦೦/-, ದುಸರೇಚೆ ಇನಾಮು ರೂ. ೧೫,೦೦೦/, ತಿಸರೇಚೆ ಇನಾಮು ರೂ. ೧೦,೦೦೦/-. ತಾಜ್ಜ ಬರಶಿ ಪ್ರಶಸ್ತಿ ಪತ್ರ ಆನಿ ಫಲಕ ಸಹಿತ ಸೇರೂನು ಘೆತ್ತಾ. ತಶೀಚಿ ಲ್ಹಾನ ನಾಟಕ ಸ್ಪರ್ಧೆಚೆ ಹಸ್ತಪ್ರತಿ ೨೦ ತಾಕೂನು ೨೫ ಮಿನಿಟ ಕಾಳ ಪ್ರದರ್ಶಿತ ಜಾವಚೆ ವರಿ ಆಸ್ಸುಕಾ. ಪ್ರಥಮ ಬಹುಮಾನ ರೂ. ೫,೦೦೦/-, ದುಸರೇಚೆ ಬಹುಮಾನ ರೂ. ೩,೦೦೦/-. ತೀಸರೇಚೆ ಬಹುಮಾನ ರೂ. ೨,೦೦೦/-. ತಾಜ್ಜ ಬರಶಿ ಪ್ರಶಸ್ತಿ ಪತ್ರ ಆನಿ ಫಲಕ ವರೇನ ಆಸ್ಸಾ. ಪ್ರವೇಶ ಪತ್ರ ಟೈಪ ಕೆಲೀಲೆ ಹಸ್ತಪ್ರತಿ ಪೆಟೆಯಚಾಕ ಅಖೇರಿಚೆ ದಿವಸು ೨೦೨೫ಚೆ ಮಾರ್ಚ್ ೨೦ ಮ್ಹೊಣು ಕೋಳ್ನು ಆಯಲಾ. ಹಸ್ತ ಪ್ರತಿ ಸ್ವತಃ ವ್ಹರ್ನು ದಿವಯೇತ ಜಾಂವೊ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಇಮೇಲಾಕ ಧಾಡ್ಯೇತ. ಚಡ್ತೆ ಮಾಹಿತಿ ಜಾವಕಾ ಜಾಲೀಲ್ಯಾನ ಅಕಾಡೆಮಿಚೆ ದಪ್ತಾರಾಚಾನ ಘೆವಯೇತ. Phone No : 0824 2453167